Qazaqstandyq tennısshi Rımdegi týrnırdiń fınalyna shyqty

ASTANA. QazAqparat - Qazaqstandyq Andreı Golýbev juptyq synda Rım chellendjer týrnıriniń fınalyna shyqty, dep habarlaıdy QazAqparat tilshisi.

Qazaqstandyq tennısshi ýkraınalyq Denıs Molchanovpen birge jartylaı fınalda osy jarystyń birinshi raketkalary, frantsııalyqtar Sadıo Dýmbııa - Faben Rýbelmen kezdesýi kerek edi.

Alaıda, qarsylastary kelmeı qaldy da, qazaqstandyq-ýkraınalyq jup oınamastan fınalǵa joldama aldy.

A. Golýbev pen D. Molchanov sońǵy básekede dodanyń ekinshi raketkalary, kolýmbııalyq Nıkolas Barrentos - portýgalııalyq Fransıshký Kabralmen bas júldeni sarapqa salady.

Fınal senbi kúni ótedi.

Eske sala keteıik, budan buryn qazaqstandyq tennısshiniń Rım jarysynyń jartylaı fınalyna ótkenin jazǵan bolatynbyz.

Sondaı-aq, Sergeı Kvak álem chempıonatyna joldama alý úshin baryn salatynyn aıtty.

Elena Rybakına Madrıd masters týrnıriniń úshinshi aınalymyna shyǵa almady.