Qazaqstandyq tennısshi Germanııadaǵy jarysty jeńispen bastady

ASTANA. QazAqparat – Qazaqstannyń ekinshi, álemniń 147-raketkasy, 22 jastaǵy Tımofeı Skatov Germanııanyń Haılbronn qalasynda ótip jatqan chellendjer týrnırin jeńispen bastady, dep habarlaıdy QazAqparat tilshisi.

Qazaqstandyq tennısshi bastapqy kezdesýin dúnıejúzilik reıtıngte 174-orynda turǵan 31 jastaǵy bosnııalyq Damır Djýmhýrmen ótkizdi.

T.Skatov 7:5, 6:1 esebimen jeńiske jetti.

Bir saǵat 40 mınýtqa sozylǵan báseke barysynda Tımofeı 18 breık-poınttyń jeteýin paıdalandy. Qarsylasy 1 eıs, 3 breıkpen (9 breık-poınt) kózge tústi.

Tımofeı Skatov shırek fınalǵa shyǵý úshin álemniń 81-raketkasy, ıspanııalyq Haýme Mýnıar nemese reıtıngte 160-satydaǵy bolıvııalyq Ýgo Delenniń bireýimen talasady.

Júlde qory 145 myń eýroǵa baǵalanǵan doda 10 maýsymda márege jetedi. Chempıon 19 650 eýro tabys taýyp, 125 reıtıngilik upaıǵa ıe bolady.

T.Skatov buǵan deıin Rolan Garros týrnırine alǵash ret qatysyp, alǵashqy aınalymnan asa almaǵan edi.

Eske sala keteıik, budan buryn Beıbit Juqaevtyń AQSh-taǵy jarystyń fınalynda jeńilip qalǵanyn jazǵan edik.

Sondaı-aq qazaqstandyq tennısshiler Rolan Garros týrnırinde qansha tabys tapqanyn habarlaǵan bolatynbyz.