Qazaqstandyq taýar óndirýshilerge Keden odaǵy aıasyndaǵy memlekettik satyp alý naryǵy ońtaıly áleýet usynady
Vıtse-mınıstrdiń aıtýynsha, Reseı men Belarýs elderiniń memlekettik satyp alýlar naryǵy qazaqstandyq taýar óndirýshiler úshin tyń múmkindik ashady. «Eýrazııalyq ekonomıkalyq keńistik aıasyndaǵy memlekettik satyp alýlar aýqymy 2012 jyly shamamen 200 mlrd. dollarǵa jetken bolatyn. Salystyrmaly túrde alatyn bolsaq, Qazaqstandaǵy memlekettik satyp alýlar aýqymy 2012 jyly 7,6 mlrd. dollardy qurady. Bul - 30 esege deıin artyq kórsetkish degen sóz. Muny bizdiń kásipkerlerimiz utymdy paıdalanýdy úırený kerek. Óıtkeni, biz Eýrazııalyq keńistiktegi memlekettik satyp alýlardyń tıimdiligin áli sezine almaı kelemiz. Buny bolashaqta ońtaıly ete túsken abzalyraq. Óıtkeni, bizdiń kásipkerlerimiz básekege qabilettiligin arttyryp, osyndaı alańdardy utymdy paıdalanǵanda ǵana básekelestigin kótere alady», - dedi vıtse-mınıstr.
Eske salsaq, 2014 jyldyń 1 qańtarynan bastap Qazaqstan, Reseı men Belarýs arasyndaǵy Biryńǵaı ekonomıkalyq keńistiginiń Memlekettik (mýnıtsıpaldyq) satyp alý týraly kelisimine oraı, memlekettik satyp alýdy júzege asyrý kezinde ulttyq rejım engiziledi.