Qazaqstandyq tarıhı fılmderdi Túrkııa men Qytaıdyń kórermenderi tamashalaı alady

NUR-SULTAN. QazAqparat - Qazaqstandyq tarıhı fılmderdi Túrkııa men Qytaıdyń kórermenderi tamashalaı alady, dep habarlaıdy QazAqparat «Qazaqfılm» kınostýdııasyna silteme jasap.

«Rejısser Rústem Ábdirashtiń «Almas qylysh» (2017), «Altyn taq» (2019) tarıhı fılmderiniń jáne de «Qazaq handyǵy» tarıhı serıalynyń eki maýsymynyń dıstrıbýtsııa quqyǵyn Túrkııanyń («Duru Filmcilik») jáne Qytaıdyń («Magic Fair») kompanııalary satyp aldy», delingen habarlamada. Budan buryn 2017 jyly «Almaz qylysh» fılminiń kórsetý quqyǵyn Ońtústik Koreıalyq Amadeus kompanııasy satyp alǵan bolatyn.

Eske salsaq, bul jobalar QR Mádenıet jáne sport mınıstrliginiń tapsyrysymen, «Qazaqfılm» kınostýdııasynda Sentaurus Rustem Abdrashev production kompanııasynyń qatysýymen túsirilgen.