Qazaqstandyq tanymal boksshy tıtýldyq jekpe-jektiń ótetin kúni men ornyn jarııalady

NUR-SULTAN. QazAqparat - Tanymal boksshy Angelına Lýkas kásipqoı rıngtegi kelesi jekpe-jegi týraly aqparat berdi, dep habarlaıdy QazAqparat Sports.kz saıtyna silteme jasap.

«Qurmetti dostar, men sizderdi tıtýldyq jekpe-jegimdi kórýge shaqyramyn! Jekpe-jek týǵan Qazaqstanymda, Almatyda ótetinine qýanyshtymyn. Meniń jankúıerlerim, kelip qoldaý kórsete alasyzdar! Bul - meniń mansabymdaǵy eń úlken aıqas. Biz buǵan kópten beri daıyndalyp, kele jatyrmyz. Maǵan senim artqandaryńyzǵa rahmet. Men tynbaı eńbektenip, senimderińizdi aqtaımyn. Boks - meniń ómirim. 2 qazanda kezdeskenshe», – dep jazdy Lýkas Instagram paraqshasynda.

Aıta keteıik, Lýkas buǵan deıin kásibı rıngte bir jekpe-jek ótkizgen bolatyn.

Ótken jyldyń jeltoqsan aıynda Nur-Sultanda Angelına ýkraınalyq boksshy Svetlana Vasılevskaıany utty.