Qazaqstandyq talapkerler JOO-ǵa onlaın tásili arqyly túse alady

ASTANA. 21 tamyz. QazAqparat - Qazaqstandyq talapkerlerge elimizdiń 18 ýnıversıtetteriniń birine onlaın-tásilmen túsýdiń múmkindigi paıda boldy. Elektrondyq úkimettiń www.egov.kz. portalynda «Kásiptik joǵary bilimniń bilim berý baǵdarlamalary boıynsha oqytý úshin joǵary oqý oryndaryna qujattardy qabyldaý jáne oqýǵa qabyldaý» jańa qyzmeti ashyldy. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.

Qyzmet tegin (bilim granty bolǵan jaǵdaıda) jáne aqyly negizde JOO-ǵa túsetin talapkerler úshin qoljetimdi. Pılottyq jobanyń aıasynda ótinishterdi qabyldaýdy júzege asyratyn JOO-nyń tizimimen portalda tanysýǵa bolady.

Elektrondyq format JOO túsý úshin qujattardy jınaý men jóneltý úderisin jeńildetedi: barlyq qajetti málimetter memlekettik derekter qorynan avtomatty túrde alynady.

Bul úshin elektrondyq ótinishti toltyryp, www.egov.kz , portalyna tirkelý jáne bilimi («E-learning» elektrondyq oqytýdyń aqparattyq júıesinde málimetter bolmaǵan jaǵdaıda) týraly qujattardyń skanerlengen kóshirmesin tirkeý qajet. Ótinim elektrondyq tsıfrlyq qoltańbamen kýálandyrylady.

Bilim granty boıynsha ótinim berilgen jaǵdaıda, JOO túsý týraly habarlama ótinim berýshiniń portaldaǵy jeke kabınetine úsh jumys kúni ishinde túsedi.

Eger talapker aqyly negizde túsetin bolsa, onda úsh jumys kúni ishinde ótinim berýshige merzimi men oqý aqysynyń somasy kórsetilgen tólemdi júrgizý qajettiligi týraly habarlama túsedi.

Kórsetilgen ýaqytta talapker qujattardyń túpnusqalarymen JOO-ǵa kelýi jáne tólemdi júrgizýi tıis, áıtpese ótinishten bas tartylady, al paıdalanýshy ótinishti qabyldaýdan bas tartýdy alady.

Ushqyshtardy daıyndaý úshin JOO, sondaı-aq quqyq qorǵaý jáne arnaıy organdarǵa nemese shyǵarmashylyq daıyndyqty talap etetin mamandyqtardyń JOO túsýge qujattardy qabyldaý tikeleı bilim berý uıymdarymen júrgiziledi.

Ekinshi joǵary bilim alýǵa túsý úshin qujattardy qabyldaý tikeleı bilim berý uıymdarymen júzege asyrylady.

Qujattardy onlaın qabyldaý jáne JOO túsý qyzmeti týraly 1414 nómiri boıynsha táýlik boıy Biryńǵaı baılanys ortalyǵynyń mamandarynan tolyq aqparat alýǵa bolady.

Qazaqstan boıynsha kez kelgen uıaly nemese qalalyq telefonnan qońyraý shalý tegin.