Qazaqstandyq taekvondoshy Islam yntymaqtastyǵy oıyndarynyń qola júldegeri atandy
12:56, 12 Tamyz 2022
NUR-SULTAN. QazAqparat - Qazaqstandyq taekvondoshy Jansel Denız Túrkııada ótip jatqan Islam yntymaqtastyǵy oıyndarynda qola júldeger atandy.
Ol 73 keliden joǵary salmaq dárejesinde úshinshi boldy, dep habarlaıdy QazAqparat Ulttyq Olımpıada komıtetiniń saıtyna silteme jasap.
Birinshi oryn Sýde Ýzýnchavdarǵa (Túrkııa) buıyrdy. Ekinshi oryndy lıvandyq Selman Ýord aldy. Úshinshi orynǵa Denızben birge ıordanııalyq Rama Abo-Alrýb ıe boldy.
Buǵan deıin 54 kelige deıingi salmaqta Jasýrbek Klychov ta qola júldege ıe bolǵan edi.
Buǵan deıin qazaqstandyq jeńil atlet Krıstına Ovchınnıkova Islam yntymaqtastyǵynyń V oıyndarynda medal alsa, qazaqstandyq jeńil atlet Mıhaıl Lıtvın oıyndardyń altyn medaline ıe boldy. Sondaı-aq, qola júldeger atanǵan erkin balýandar marapattaldy. Qazaqstandyq gımnasttar birden tórt medal jeńip aldy.