Qazaqstandyq sýdıalar zeınetkerlikke shyqqan kezde 200 myń teńge alýy múmkin

QARAǴANDY. 16 qańtar. QazAqparat - QR Joǵarǵy soty (JS) sýdıalardy zeınetaqymen qamtamasyz etýdi jaqsartý úshin bar kúshin salýda, bul másele respýblıkalyq komıssııa deńgeıinde talqylanyp jatyr, dep habarlady QR JS Sottardyń qyzmetin qamtamasyz etý departamentiniń basshysy Іlııas Ispanov.

Onyń aıtýyna qaraǵanda, jańa júıe usynylmaq.

«Eger zeınetkerlik jasqa jetken sýdıa otstavkaǵa ketken jaǵdaıda, birden sońǵy jumys ornyndaǵy jalaqysynyń 50 paıyzyn alady. Eger 15 jáne odan kóp ótili bolsa, ár jylda 1 paıyz ústinen qosylyp otyrady, nátıjesinde jalaqysynyń 65 paıyzynan artyq emes somany alady. Bizdiń júrgizip jatqan jumysymyz osy. Bul sot júıesinde ótili kóp, zeınetkerlik jasqa jetken sýdıalarda eń kóp degende shamamen 220 myń teńge bolady», - dep túsindirdi JS departamentiniń basshysy.

Búginde Qazaqstanda 2400 sýdıa bar. 2014 jyly QR Prezıdentiniń Jarlyǵyna sáıkes respýblıka boıynsha 450 sýdıamen tolyǵady.