Qazaqstandyq stýdentter shetelden nesıe alyp, qaıtarmaıtyn jaıttar bar – Aıbek Smadııarov

ASTANA. QazAqparat – Syrtqy ister mınıstrliginiń resmı ókili Aıbek Smadııarov qazaqstandyqtarǵa Shengen vızasyn berý úshin engizilgen qosymsha konsýltatsııa engizilýine baılanysty pikir bildirdi, dep habarlaıdy QazAqparat tilshisi.

«Demek, bizdiń azamattar shetelde mundaı shara qabyldaýǵa sebep týyndatyp jatyr. Bizdiń keıbir azamattar Shengen elderinde júrip avtomobıl jalǵa alǵanda tıesili aıyppuldy tólemeı elden shyǵyp ketedi. Munyń bári qordalanatyny túsinikti. Ózge de zań buzý áreketteri bolady. Bóten elge barǵan soń sondaǵy erejeler men zańdardy saqtaý kerek. Stýdenttter nesıe alyp, tólemesten ketip qalady», - Aıbek Smadııarov SІM brıfıngisinde.

Buǵan deıin Syrtqy ister mınıstriniń orynbasary Roman Vasılenko «Qazaqstan Shengen boıynsha «qara tizimge» endi» degen aqparatqa qatysty pikir bildirgen bolatyn.