Qazaqstandyq startap-kásipker tarıhta alǵash ret StartX klýby quramyna kirdi
«Dosjan Júsipov pen Cerebra jobasynyń komandasyn kezekti jetistigimen quttyqtaımyn! Bizdiń qazaqstandyq startap-kásipker tarıhta alǵash ret Stenford ýnıversıtetine qarasty bedeldi StartX klýbynyń quramyna kirdi. Bul – qazaqstandyq ІT-ındýstrııa úshin úlken oqıǵa. Cerebra jobasynyń StartX-ke qabyldanýy Qazaqstannyń ozyq DeepTech tehnologııalardy shyǵara bastaǵanyn dúnıejúzine áıgileıdi», - dep jazdy mınıstr.
Onyń málimetinshe, atalǵan oqıǵa qazirgi tańda CatGPT syndy jasandy ıntellekt túrleri damyp jatqanda, bizdiń qol qýsyryp otyrmaǵanymyzdyń aıqyn bir kórinisi. Sebebi, Cerebra jasandy ıntellekttiń bazasynda jasalǵan. Ol Qazaqstanda ınsýltti sapaly dıagnostıkalaý jáne osy patologııadan múgedektik pen ólim-jitim deńgeıin tómendetý úshin qurylǵan.
«StartX sııaqty bedeldi qaýymdastyqtarmen qarym-qatynasty damytýdy Memleket basshysy óziniń AQSh-qa is-saparynyń qortyndysy aıasynda júktegen bolatyn», - deıdi Mýsın.
Aıta keteıik, StartX – bul 1800-den astam kásipkerlerden, salalyq sarapshylardan Stenford professorlarynan turatyn qaýymdastyq. Ol ósý satysynda turǵan jáne jaqsy qarjylandyrylǵan 700-den astam startapty qamtıdy. StartX qaýymdastyǵyna múshe kompanııalardyń jalpy quny 26 mıllıard dollar shamasynda.
Esterińizge sala keteıin, Cerebra jaqynda Global Startup Awards startap-ekojúıeleriniń aýqymdy táýelsiz baıqaýynyń jeńimpazdarynyń biri.