Qazaqstandyq start-up jobalar AQSh «Sılıkondy alqabynda» usynylady

ASTANA. QazAqparat - Qazaqstandyq start-up kompanııalardyń jobalary Silicon Valley Innovation Center-de AQSh «Sılıkondy (Kremnıı) alqabynda» usynylady, dep habarlady búgin «Tehnologııalyq damý jónindegi ulttyq agenttik» (TDJUA) AQ táýelsiz dırektory - Silicon Valley Innovation Center prezıdenti Andreı Kýnov VII Astana ekonomıkalyq forým aıasyndaǵy IX Innovatsııalyq kongresinde. Bul týraly primeminister.kz portalynda habarlandy.

«Qazaqstandyq jobalarǵa qatysty eń aldymen, start-up dep atalatyn jańadan bastaǵan kompanııalar baıqaý arqyly irikteledi. Osy start-up jobalardyń avtorlary «Kremnıı alqabyna» baryp, ol jerde bıznestiń qalaı jasalatynyn kóre alady. Olar jergilikti start-up jobalarmen tanysyp, óz ázirlemelerin osyndaı jobalarǵa qyzyǵýshylyq tanytatyn Qazaqstandyq qana emes, jahandyq naryqtardaǵy ınvestorlarǵa, venchýrlik kompanııalarǵa qarjylandyrý jáne kommertsııalızatsııa úshin kórsete alady», - dedi A.Kýnov.

Onyń aıtýynsha, ınvestorlardy perspektıvada ónimderi álemdik mańyzǵa ıe bolatyn jobalar qyzyqtyrýy múmkin.