Qazaqstandyq spýtnıkter boran kezinde jolda qalǵandardy qutqardy
Elimizdegi ǵarysh spýtnıkteriniń biregeı múmkindikteri jaıly Astanadaǵy Ulttyq ǵarysh ortalyǵynda QR Qorǵanys jáne aeroǵarysh ónerkásibi mınıstri Beıbit Atamqulov baıan etti, dep habarlaıdy «QazAqparat» HAA tilshisi.
«Bizdiń elimizde 60 dıfferentsıaldy stansa bar. Osy stansalar arqyly mobıldi telefondardyń qaıda ornalasqanyn anyqtaýǵa bolady. Dıfferentsıaldy stansa júıesiniń múmkindigi zor. Biz osy stansalar arqyly adamdardy qutqara alamyz. Búgingi tańda ǵaryshtan adamdardyń boranǵa tap bolǵanyn bile alamyz», - deıdi mınıstr.
Beıbit Atamqulovtyń aıtýyna qaraǵanda, máselen Pavlodar men Astananyń ortasynda boranda adam kóligimen qalyp qalsa, telefony jumys istemese, jýyq arada stansa bolmasa, ǵarysh spýtnıkteri arqyly ony qutqarýǵa bolady. ıAǵnı, jolda qalǵan adamnyń kóliginde arnaıy tetik bolsa, sol tetikti basý arqyly qaı jerde qalǵanyn anyqtaýǵa bolady.
«Ol sol tetikti bassa, bizdiń «Qazaqstan ǵarysh sapary» ultttyq kompanııasyndaǵy operatorymyz tıisti organdarǵa habarlama bere alady. Biz ǵarysh arqyly sol kóliktiń qaıda ekenin bile alamyz. Tájirıbe júrgizip te kórdik», - deıdi Beıbit Atamqulov.
Mınıstr sózi dáleldi bolý úshin naqty mysal keltirdi.
«Ótken jyly Pavlodar oblysynda «Alan» áskerı kóligimizben tájirıbe jasaǵan edik. «Alanǵa» mingen áskerıler ǵarysh arqyly habar alyp, jolda qalǵan, ishinde aıaǵy aýyr áıel bar kólikti taýyp aldy. Kóliktiń ishindegi adamdar tońyp qalypty. Qorǵanys mınıstrliginiń áskerıleri eki metr qar ústinde arnaıy kólik arqyly baryp, adamdardy qutqaryp qaldy. Bosanǵan áıel áskerı kóliktiń qurmetine oraı balasynyń atyn «Alan» dep qoıdy. Osy júıe kóptegen adamdardy qutqara alady», - deıdi Beıbit Atamqulov.
Eske sala ketsek, búgin QR Parlamenti Senaty Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva bastaǵan komıtet músheleri Astananyń irgesinde turǵyzylyp jatqan Ulttyq ǵarysh ortalyǵynda bolyp, atqarylyp jatqan jumystarmen tanysqan bolatyn. Komıtet músheleri ortalyqta tájirıbelik óndirisi bar ǵaryshtyq tehnıkany Arnaıy qurastyrýshylyq-tehnologııalyq bıýrosynyń jumysyn tekserdi.