Qazaqstandyq sportshylar jasóspirimder Olımpıadasyna attandy
19:37, 03 Qazan 2018
ASTANA. QazAqparat - Astanada Qazaqstan ulttyq quramasyn 6-18 qazan kúnderi Býenos-Aıreste ótetin jasóspirimder arasyndaǵy ІІІ jazǵy Olımpıada oıyndaryna shyǵaryp salý rásimi ótti, dep habarlaıdy «SPORTINFORM» QR UOK baspasóz qyzmetine silteme jasap.
Olımpıadada Qazaqstan atynan 57 sportshy jarys jolyna shyǵady, olar sporttyń 22 túri boıynsha kúsh synasady. Bıylǵy dúbirli dodaǵa ulttyq qurama Olımpıada oıyndary tarıhyndaǵy eń úlken qurammen qatysqaly otyr.
Jasóspirimder arasyndaǵy Olımpıada oıyndarynyń ashylý saltanatynda Qazaqstan quramasynyń baıraǵyn bıylǵy jastar arasyndaǵy Azııa chempıonatynda jeńimpaz atanǵan 18 jastaǵy boksshy Damır Toıbaı alyp shyǵady.
Jalpy, jarysqa 206 elden 15-18 jas aralyǵyndaǵy 3926 sportshy qatysady. Olımpıadada sporttyń 32 túrinen medaldar sarapqa salynady.
Eske sala keteıik, 2014 jyly Qytaıdyń Nankın qalasynda ótken Olımpıada oıyndarynan qazaqstandyqtar úsh altyn, bir kúmis jáne tórt qola - jalpy segiz medalmen oralǵan bolatyn.