Qazaqstandyq sportshy MMA-de nokaýtpen debıýt jasady
18:32, 18 Shilde 2023
KARA-BALTA. QazAqparat – 22 jastaǵy qazaqstandyq sportshy Oljas Erlanov Kara-Baltada (Qyrǵyzstan) EFC Global 33 aralas jekpe-jek týrnırine qatysty, dep habarlaıdy QazAqparat Sports.kz silteme jasap.
Qazaqstandyqtyń qarsylasy 18 jastaǵy qyrǵyzstandyq sportshy Dastan Kanybek ýýlý boldy. Asa jeńil salmaqtaǵy (57 kelige deıin) jekpe-jek úsh raýndqa josparlanǵan edi, biraq ekinshi bes mınýtta tehnıkalyq nokaýtpen aıaqtaldy.
Erlanov qarsylasynyń arqasyna jarmasyp, soqqylady. Osydan keıin referı jekpe-jekti toqtatty. Bul – eki sportshynyń da kásibı mansabyndaǵy debıýti.