Qazaqstandyq sportshy batýttyq gımnastıkadan tuńǵysh ret álemdik reıtıngte top jardy

ASTANA. QazAqparat - Qazaqstannyń batýttyq gımnastıkasy tarıhynda tuńǵysh ret Danıl Musabaev Álem kýbogy kezeńderiniń qosyndysy boıynsha álemdik reıtıngte birinshi orynǵa ıe boldy, dep habarlaıdy QazAqparat.

Qazaqstan gımnastıka federatsııasynyń málimetinshe , Danıl 153 upaı jınap, gımnasttardyń álemdik reıtınginde kósh bastady. Ekinshi orynda portýgalııalyq Dıogo Abreý (144), úshinshi orynda japonııalyq Rıýseı Nıshıoka (120) ıelengen.

«Sonymen qatar Musabaevtyń jeke bapkeri, Qazaqstan quramasynyń bas bapkeri Vertıankın Sergeı Vladımırovıchti quttyqtaımyz!

Sondaı-aq jýyrda ǵana Vertıankın Sergeı Vladımırovıchtiń batýt gımnastıkasynan Qazaqstan Respýblıkasynyń eńbek sińirgen jattyqtyrýshysy ataǵyn alǵanyn aıta ketý kerek, bul da bizdiń sport úshin tarıhı oqıǵa boldy», - dep jazdy federatsııa.

Foto: instagram.com/kazgymfederation