Qazaqstandyq sıyr etiniń alǵashqy partııasy Beıjiń naryǵyna shyqty

BEIJІŃ. QazAqparat – Qazaqstannan jetkizilgen alǵashqy 20 tonna sıyr eti Beıjińniń «Sınfadı» aýyl sharýashylyǵy ónimderiniń iri kóterme saýda bazaryna shyǵaryldy, dep habarlaıdy «QazAqparat» HAA tilshisi.

113 gektar aýmaqty alyp jatqan «Sınfadı» kóterme bazary Qytaı astanasy turǵyndary tutynatyn aýyl sharýashylyǵy ónimderiniń 90 paıyzyn qamtamasyz etedi. 2019 jyly atalǵan bazardyń saýda kelisimderiniń kólemi 19 mlrd dollardy qurady.

«Sınfadı» bazarynyń ákimshiligi qazaqstandyq sıyr etiniń ımportyn jylyna 5 myń tonnaǵa jetkizýdi josparlap otyr.

Aıta ketetin másele, Qytaıdyń shetelden satyp alatyn etiniń kólemi basqa azyq-túlik taýarlarynyń kólemimen salystyrǵanda eń kóbi bolyp otyr.

Qytaıdyń Bas keden basqarmasynyń málimetteri boıynsha, tek 2019 jyldyń ózinde sıyr etiniń ımporty 60% ósip, 1,66 mln tonnany quraǵan.

Soǵan qaramastan álemdik naryqta básekelestik óse túsýde. Et óndirý kólemin endi AQSh pen Latyn Amerıkasy da (Argentına, Paragvaı jáne t.b.) údete túspek.

Rýslan Súleımenov