Qazaqstandyq shyǵarmalar qytaı tiline aýdarylady

BEIJІŃ. QazAqparat - «Bolashaqqa baǵdar: Rýhanı jańǵyrý» baǵdarlamasyn júzege asyrý aıasynda QHR-daǵy QR Elshisi Shahrat Nuryshev «Sınsın» basylymynyń dırektory Ma Jýtszıýnmen baspa isi salasyndaǵy yntymaqtastyqtyń bolashaǵyn talqylady, dep habarlaıdy «QazAqparattyń» Qytaıdaǵy menshikti tilshisi. 

Taraptar qazaq ádebıeti men mádenıetin shetelde nasıhattaý maqsatynda belgili qazaqstandyq avtorlardyń kitaptaryn qytaı tiline aýdarý jáne olardy QHR aýmaǵynda basyp shyǵarý máseleleri boıynsha pikir almasty.

«Nurly jol» jáne «Bir beldeý, bir jol» bastamalary aıasynda «Uly Jibek jolynyń boıyndaǵy júz qala» jobasyn júzege asyrý jaıy sóz boldy.

«Ejelgi Jibek jolynyń boıynda ornalasqan qazaqstandyq qalalar baı mádenıetke jáne dástúrge ıe. Mysaly, Almaty, Taraz jáne Túrkistan qalalarynyń tarıhy tereńde jatyr. Olar Uly Jibek jolyndaǵy saýda-sattyq pen mádenı aıyrbasty damytýda mańyzdy ról oınaǵan», - dep atap ótti Sh. Nuryshev.

Ma Jýtszıýn osy jobanyń sátti júzege asyrylýy qytaılyq aýdıtorııaǵa Qazaqstannyń tarıhı kórnekti oryndary týraly aqparat berýge jáne Qazaqstanǵa kóp qytaılyq týrısterdi tartýǵa múmkindik beretinin atap ótti.

«Sınsın» - baspa isi jáne shetel tilderine ádebıet taratý boıynsha QHR basqarmasyna qarasty memlekettik basylym. Basylym 1989 jyly syrtqy nasıhat boıynsha agenttik retinde qurylǵan. Jyl saıyn ártúrli tilderde 230-dan astam kitap jaryq kóredi.