Qazaqstandyq short-trekshi Tıhonova Olımpıada jarysynan shettetildi

NUR-SULTAN. QazAqparat - Beıjiń Olımpıadasynda short-trekten áıelder arasynda 1000 metrge júgirýden irikteý básekeleri ótti, dep habarlaıdy QazAqparat tilshisi.

Bul básekede Qazaqstan atynan Olga Tıhonova synǵa túsken bolatyn. Ol jarys barysynda qarsylasyna soqtyǵysyp, qulap qaldy. Osy sebepti tóreshiler Tıhonovany jarystan shettetti.

Dese de, ol atalǵan qashyqtyqty 1 mınýt 56 sekýndta júgirip ótti.

Endi qazaqstandyq sportshy 16 aqpan kúni 1500 metrge júgirýden synǵa túsedi. Demek, áli de júldegen talasýǵa múmkindigi bar.

Esterińizge sala keteıik, Beıjińde ótip jatqan qysqy Olımpıada oıyndarynda short-trekten 9 medal jıyntyǵy sarapqa salynady.

Foto: olympic.kz