Qazaqstandyq shekaradan óterde 50 myńǵa jýyq dollaryn deklaratsııada kórsetpegen
08:35, 20 Mamyr 2020
NUR-SULTAN. QazAqparat – Shekarashylar deklaratsııalanbaǵan qomaqty qarajatty alyp ótpek bolǵan azamatty ustady, dep habarlaıdy QazAqparat UQK baspasóz qyzmetine silteme jasap.
«2020 jyldyń 18 mamyrynda Almaty oblysy boıynsha UQK Shekara qyzmeti departamentiniń «Qorǵas» shekaralyq baqylaý basqarmasy QHR-ǵa ótip bara jatqan Qazaqstan azamatyn ustady. Iisshil ıttiń kómegimen tártip buzýshydan 49244 AQSh dollary kóleminde deklaratsııalanbaǵan aqsha tabyldy.
Ustalǵan azamat belgilengen tártippen «Nur Joly» keden beketiniń qyzmetkerlerine tabystaldy», - delingen UQK habarlamasynda.