Qazaqstandyq shańǵyshylar Olımpıadanyń sońǵy jarysynda júldesiz qaldy

NUR-SULTAN. QazAqparat - Búgin Beıjińdegi qysqy Olımpıada oıyndarynda Qazaqstan sportshylary sońǵy jarystaryn ótkizdi, dep habarlaıdy QazAqparat tilshisi.

Beıjińdegi Olımpıada oıyndarynda búgin áıelder arasynda shańǵymen 30 shaqyrymǵa jarysýdan mass-start básekesi ótti. Atalǵan dodada Qazaqstan komandasynan úsh sportshy qatysty.

Alaıda úsheýi de úzdikter qatarynan kórine alǵan joq. Qazaqstan sapynan eń joǵary nátıjeni Angelıne Shýryga kórsetti. Ol máre syzyǵyn 42-shi bolyp kesip ótti. Ekinshi atletimiz Nadejda Stepashkına 49-shy, úshinshi sportshymyz Irına Bykova 54-shi orynmen Olımpıada oıyndaryn aıaqtady.

Shańǵy jarysy. 30 km. Mass-start. Áıelder

1. Tereze Iohaýg (Norvegııa) – 1:24:54,0

2. Djessı Dıggıns (AQSh) – +1:43,3

3. Kerttý Nıskanen (Fınlıandııa) – +2:33,3

...42. Angelına Shýryga (Qazaqstan) - +11:35,6

49. Nadejda Stepashkına (Qazaqstan) - +14:44,8

54. Irına Bykova (Qazaqstan) - +17:48,0.

Osymen qazaqstandyq sportshylar Beıjiń Olımpıadasyn aıaqtady. Sportshylarymyz Beıjińde shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa tústi. Ókinishke qaraı birde-biri jeńis tuǵyrynan kórine alǵan joq.

Foto: Turar Qazanǵapov, Qazaqstan UOK