Qazaqstandyq shahmatshy Dúnıejúzilik olımpıadada altyn jeńip aldy

ASTANA. QazAqparat - Jas shahmatshy Saýat Nurǵalıev 1-11 qazan aralyǵynda Ázerbaıjanda ótken 16 jasqa deıingi jasóspirimder arasyndaǵy Dúnıejúzilik shahmat olımpıadasynda jekeleı synda altyn medal jeńip aldy. Bul týraly Mádenıet jáne sport mınıstrligi málimdedi, dep habarlaıdy QazAqparat.

«Sońǵy aınalymǵa deıin biz medaldar úshin óte sátti kúrestik. Eń bastysy, jigitter óte joǵary daıyndyq pen jaqsy oıyn kórsetti. Qola júldeni Imanǵalı Ahılbaı (taqtada – jeke esepte), altyndy Saýat Nurǵalıev (taqtada – jeke esepte) ıelendi. Bizben 12 jáne 14 jastaǵy jigitter oınady, kelesi jyly biz taǵy da osy qurammen medaldar úshin kúresýdi josparlap otyrmyz»,– deıdi komanda kapıtany Pavel Kotsýr.