Qazaqstandyq seısmologtar Qyrǵyzstanda jer silkinisin tirkedi
08:30, 05 Qyrkúıek 2023
ALMATY. QazAqparat – QR Tótenshe jaǵdaılar mınıstrligine qarasty «Seısmologııalyq tájirıbe-ádistemelik ekspedıtsııasy» JShS seısmıkalyq stansalar jelisi 5 qyrkúıek kúni Astana ýaqytymen 06.08-de jer silkinisin tirkedi, dep habarlaıdy QazAqparat.
«Jerasty dúmpýiniń oshaǵy Almaty qalasynan ońtústik-batysqa qaraı 400 shaqyrym jerde, Qyrǵyzstan aýmaǵynda jatyr.
«Energetıkalyq sanaty – 10.0. MPV magnıtýdasy – 4.6. Epıtsentr koordınattary – 40.93° s.e. 73.16° sh.b. Tereńdigi – 10 shaqyrym. MSK-64 baǵany boıynsha sezilgeni týraly málimetter joq», - delingen habarlamada.