Qazaqstandyq semserlesýshiler Azııa oıyndaryn 1 altyn, 2 qolamen aıaqtady

 ASTANA. QazAqparat  - Indonezııada ótip jatqan Jazǵy Azııa oıyndarynda  semserlesýden Qazaqstan komandasy jarysty tolyǵymen aıaqtady, dep habarlaıdy QazAqparat tilshisi.

QR UOK baspasóz qyzmeti málim etkendeı, semserlesýden Qazaqstan komandasynyń bas bapkeri Alekseı Pıstsov Azııa oıyndaryna núkte qoıyp, sportshylardyń aıaq alysyna baǵa bergen.

Aıta keteıik, qazaqstandyq sportshylar úshin semserlesýden Azııa oıyndary aıaqtaldy. Búgin semserlesýshi qyzdar shırek fınalda Gonkongtan utylyp, júldege iline alǵan joq.

«Jospardy tolyǵymen oryndadyq. Biz osyndaı nátıjege qol jetkizýdi kózdegen edik. Árıne, kemshin tustar áli de jeterlik. Endi qatemizdi túzep, kelesi iri jarystarǵa daıyndalamyz. Osy oraıda, bizge qoldaý kórsetken Qazaqstan Ulttyq Olımpıadalyq komıtetine alǵysymdy bildiremin», - deıdi bas bapker.

Eske sala keteıik, semserlesýden Qazaqstan komandasy Azııa oıyndarynda 1 altyn, 2 qola medal jeńip aldy.