Qazaqstandyq sarbazdar erejesiz jekpe-jekten Azııa chempıonatynda kósh bastady
23:15, 17 Mamyr 2019
NUR-SULTAN. QazAqparat - Bangkokta (Taıland) IMMAF-WMMAA álemdik uıymy aıasynda MMA aralas jaýyngerlik jekpe-jekten Azııa chempıonaty ótti, dep habarlaıdy QazAqparat QR Qorǵanys mınıstrliginń resmı saıtyna silteme jasap.
Onda Armııa ortalyq sport klýbynyń sportshylary altyn jáne kúmis medaldarǵa ıe boldy.
Qazaqstan áskerinde qyzmet etetin balýan Aıan Tursyn 46,7 kelige deıingi salmaq dárejesinde birinshi oryndy ıelenip, Azııa chempıony atandy.
Qarýly Kúshterdiń qorjynyna 61,2 kelige deıingi salmaqta «kúmis» júldeni Sora Rahmonova saldy.
Saıys qorytyndysy boıynsha Qazaqstan quramasy jeti altyn, toǵyz kúmis jáne bes qola medalǵa ıe boldy. Osynyń arqasynda qazaqstandyq jaýyngerler birinshi oryndy ıelendi.