Qazaqstandyq sarbazdar «Dala qyrany» oqý-jattyǵýyna qatysady
22:03, 07 Aqpan 2019
ALMATY. QazAqparat - Almatyda «Dala qyrany - 2019» taktıkalyq-arnaıy bitimgerlik oqý-jattyǵýyn ótkizý boıynsha konferentsııa ótti, dep xabarlaıdy QazAqparat vedomstvonyń baspasóz qyzmetine silteme jasap.
«Beıbitshilik úshin seriktestik» oqý ortalyǵynyń bazasynda Ulybrıtanııa, Qazaqstan, Qyrǵyzstan, AQSh, Tájikstan jáne Túrkııa Qarýly Kúshteriniń, NATO shtab-páteri ókilderiniń qatysýymen «Dala qyrany - 2019» taktıkalyq-arnaıy bitimgerlik oqý-jattyǵýyn ótkizý boıynsha basty josparly konferentsııa ótti.
Konferentsııa barysynda taraptar ákimshilik, medıtsınalyq, tyldaǵy jáne áskerı-texnıkalyq qamsyzdandyrý máselelerin talqylady. Alty eldiń áskerı qurylymdary qatysatyn oqý-jattyǵý bıyl maýsymda Qazaqstan Respýblıkasynda ótedi dep josparlanýda.
Qazaqstan Qarýly Kúshterinen 120 áskerı qyzmetshi qatysady. Aldaǵy kezdesý nátıjesinde oqý-jattyǵýǵa daıyndaý boıynsha ári qaraı jumystar júrgizý úshin jetekshi qujatqa qol qoıylady.