Qazaqstandyq sarbaz Máskeýde WTKF týrnırinde jeńimpaz atandy

NUR-SULTAN. QazAqparat – Reseı astanasynda Vegas City Hall-da WTKF 4 jyldyń qorytyndy týrnıri ótti.

Onyń aıasynda sambo men qoıan-qoltyq urys boıynsha 6 jekpe-jek ótti, dep habarlaıdy QazAqparat QR Qorǵanys mınıstrliginiń Ortalyq armııalyq sport klýbynyń baspasóz qyzmetine silteme jasap.

Shara sheńberinde QR Qorǵanys mınıstrligi Ortalyq armııalyq sport klýbynyń (OÁSK) jartylaı jeńil salmaqtaǵy sportshysy Sábıt Júsipov (8-2) ózbekstandyq jaýynger Farýh Salımovpen (1-0) kúsh synasty. Aıqas úshinshi raýndtyń ortasynda aıaqtalyp, áskerı sportshy tehnıkalyq nokaýtpen jeńdi. Ol tizesimen qarsylasynyń denesine kúırete soqqy berdi.

«World Total Kombat Federation (WTKF)» — ótken jyly kúzde Shveıtsarııada qurylǵan jańa jekpe-jek uıymy. Reseıde ony tanymal promoýter Vladımır Hrıýnov basqarady. Aıqastyń erejesi boıynsha, qatysýshylar úzdiksiz aıqasýy kerek, sebebi olarǵa qarsylasty aýdarýǵa jáne parterdegi jumysqa 30 sekýnd beriledi. Bul týrnır «Zharafight» jobasy aıasynda ótti. Onyń prezıdenti Stıven Sıgal», - dedi qoıan-qoltyq urystan OASK komandasynyń bastyǵy maıor Murat Bıjanov.

Aıta keteıik, bul aıqas OASK sportshysynyń bıyl qatysyp jatqan úshinshi saıysy. Qazanda áskerı qyzmetker Nur-Sultanda ótken M-1 Challenge 105 týrnırinde reseılik Gleb Habıbýllındi jeńdi.