Qazaqstandyq sarbaz ǵalamshardyń úzdik sportshysy atandy
Bul mártebe qazaqstandyq sportshy jaýyngerge Manchesterdegi (Ulybrıtanııa) taekvondodan (WTA Grand Prix) álemdik Gran-prı kezeńinde sátti óner kórsetýden keıin berildi. 58 kelige deıingi salmaqta Nursultan Mamaev ıspandyq Jezýs Tortos Kabreromen aıqasta jeńiske jetip, álemniń 30 myqty taekvondoshysy arasyndaǵy absolıýttik chempıon atandy.
«Qazir Nursultan órleý ústinde. Ol iri álemdik týrnırlerde birneshe márte jeńisterimen óziniń sheberligin rastaı otyryp, qarqyndy túrde joǵary órleýde. Sońǵy ýaqyttyń ishinde qatarynan birneshe reıtıngtik saıystardy jeńip aldy. Qazirgi kezde Rıo-de-Janeırodaǵy Olımpıadaǵa lıtsenzııa alýǵa birden-bir úmitker bolyp tabylady», - dep atap ótti taekvondodan komanda bastyǵy QR QM AOSK-nyń kapıtany Ánýar Úsenov.
Nursultan Mamaev 2010 jylǵy jazǵy jasóspirimderdiń Olımpııalyq oıyndarynyń kúmis júldegeri, 2012 jylǵy londondyq Olımpıadanyń qatysýshysy, Azııa oıyndarynyń kúmis júldegeri (2014), jazǵy Ýnıversıada jáne VI Dúnıejúzilik armııa oıyndarynyń jeńimpazy (2015), birneshe dúrkin jeńimpaz jáne halyqaralyq reıtıngtik týrnırlerdiń júldegeri. Ol QR QM Armııa ortalyq sport klýbynyń daryndy sportshylarynyń biri. Oǵan otandyq áskerı sportty damytýda erekshe úmit artylyp otyr, dep habarlaıdy QR QM baspasóz qyzmeti.