Qazaqstandyq sarapshylar saıası jáne qoǵamdyq ózgeristerdi talqylady

ASTANA. QazAqparat - Astanada sarapshylar forýmynda Elbasy Joldaýynda aıtylǵan jańǵyrtýdyń úshinshi qadamynyń negizgi basymdyqtary talqylanyp, onyń Qazaqstandaǵy áleýmettik-ekonomıkalyq jáne saıası ózgeristerdiń bastaýy, elimizdiń jańa tehnologııalyq ósýge qadam basýy ekendigi aıtyldy.

Forým barysynda «Parasat» júıeli zertteýler ınstıtýtynyń dırektory Nursultan Ahmedııa álemdik ózgerister jaǵdaıynda adam kapıtalynyń mańyzdylyǵyn jáne onyń Qazaqstanǵa yqpaly zor ekenin atady.

«Álemde oryn alyp otyrǵan ózgerister damýǵa bet burǵan adamzat balasy úshin úlken múmkindikter ashady. Memleket basshysy bıylǵy Joldaýynda «bir orynda turmaı, qaýip-qaterlerge qarsy turatyn jáne bolashaǵyn aıqyndaǵa halyqtar ǵana jeńiske jetedi»- dep atady», - dedi sarapshy.

Atalǵan forým jumysyna Qazaqstan jáne birqatar sheteldik sarapshylar - saıasattanýshylar, áleýmettanýshylar, quqyqtanýshylar, ekonomıster qatysty. Olar Joldaýda belgilengen jańǵyrýdyń úshinshi qadamyn, ekonomıkalyq ósimniń jańa modelin talqylady.

Eske sala keteıik, búgin Astanada «Parasat» júıeli zertteýler ınstıtýty Qazaqstan strategııalyq zertteýler ınstıtýtymen birlesip «Qazaqstannyń úshinshi jańǵyrýy: jahandyq básekege qabilettilik» taqyrybynda sarapshylar forýmyn ótkizdi.

Sondaı-aq, Forým aıasynda aldaǵy konstıtýtsııalyq reforma talqylanyp, bul saıası ózgerister basqarý júıesiniń tıimdiligin arttyrýǵa jáne saıası júıeni nyǵaıtýǵa baǵyttalǵany aıtyldy.