Qazaqstandyq sarapshylar Global Challenges Summit 2018 týraly pikir bildirdi
ASTANA. QazAqparat HІ Astana ekonomıkalyq forýmy: Global Challenges Summit 2018-diń bastalýyna 10 kún qaldy. Alda ótetin sharanyń ereksheligi, sondaı-aq Qazaqstan úshin onyń mańyzdylyǵy týraly Eýrazııalyq ıntegratsııa ınstıtýtynyń Jańǵyrtý jáne ıntegratsııalyq protsesterdi zertteý ortalyǵynyń sarapshysy Shoqan Orazbekov aıtyp berdi, dep habarlaıdy primeminister.kz.
Sarapshy Astana ekonomıkalyq forýmynyń biregeı ıdeıalar týyndaıtyn pikirtalas alańy retindegi mańyzdylyǵyn atap ótti.
«Qazaqstan halqy men barshamyz jarys jolynda júrgenimizdi túsinýimiz kerek. Bul - tehnologııalar, ınnovatsııalar, ıdeıalar jarysy. Atalǵan jarysta artta qalmaý úshin, damymaǵan jáne kedeı elderdiń qatarynda turmaý úshin, biz qalaı da damý jolynda áreket etýge tıispiz. Kez kelgen tehnologııa ıdeıadan bastalady. Bul ıdeıalar qalaı týyndaıdy? Olar jaıdan jaı berilmeıdi. Ideıalar osyndaı pikirtalas alańdarynda paıda bolady», - dedi Shoqan Orazbekov.
Alaıda, sarapshynyń aıtýynsha, eń bastysy el damýynyń durys baǵytyn anyqtaı bilý qajet.
«Tulǵalar kelgende, Qazaqstannyń keleshektegi damýynyń sulbasyn sıpattaýǵa múmkindik beretin pikirtalastar ótedi. Bolashaqta jasandy zerde, jańa tehnologııalar sekildi trendter bolady», - dedi Sh. Orazbekov.
Aldaǵy kúnderi ótetin AEF-2018, Sh. Orazbekovtyń pikirinshe, Qazaqstanǵa álemniń ozyq damyǵan 30 eliniń qataryna kirý jolynda odan ári damý sharalaryn ázirleýge jol ashady.
Eýrazııalyq ıntegratsııa ınstıtýtynyń Áleýmettik zertteýlerdi uıymdastyrý jáne úılestirý departamentiniń bas sarapshy-analıtıgi Erkebulan Amanǵosov, óz kezeginde, forýmnyń tujyrymdamasyn qaıta brendteý, sondaı-aq anyqtalǵan 11 syn-tegeýrinniń sheshimin izdeý, Qazaqstannyń damýyna eleýli áserin tıgizetinine senim bildiredi. Ásirese, Qazaqstannyń úshinshi jańǵyrýy men Elbasynyń «Rýhanı jańǵyrý» baǵdarlamalyq maqalasynyń aıasynda bul óte ózekti.
«Búgingi tańda aldymen máselelerdiń jaýabyn tabý emes, osy máselelerdi durys qoıý mańyzdyraq. Bul forýmda osy suraqtar qoıylady. Olardyń sheshimderi álemniń úzdik sarapshylarynyń pikirtalastarynda talqylanady. Bizdiń mindetimiz - barlyq usynystardy tyńdap, olardy jınaqtaý, saqtaý jáne jóndi qoldaný. Ásirese, bul usynystar «Aqyldy qalalar» tujyrymdamasyn jetildirý kezinde óte paıdaly bolady», - dedi Erkebulan Amanǵosov.
Eýrazııalyq ıntegratsııa ınstıtýty dırektorynyń orynbasary Natalıa Kalashnıkova alda ótetin AEF2018: Global Challenges Summit forýmyn dáýirimizdiń tarıhı oqıǵasy retinde atady. Al onyń formatynyń ózgerýin qyzyqty tásilderdiń biri dedi.
«Eń aldymen, bul negizgi kún tártibine aınalatyn túbegeıli jańa úrdister. Sammıttiń sońǵy algorıtmi óte qyzyqty: 19 mamyrda sarapshylyq-strategııalyq sessııa ótedi. Bul jańa format», - dedi EII dırektorynyń orynbasary.
Ol, sondaı-aq, qazaqstandyq sarapshylar osy qorytyndy sessııadan úlken nátıje kútetinin atap ótti.
«Spıkerler osy sessııada Qazaqstanǵa qajetti negizgi baǵyttarǵa basa nazar aýdarady. ıAǵnı, qorytyndylaı kele, olar búgingi tańda Qazaqstan qyzyǵýshylyq týdyratyn álemdik ekonomıkadaǵy, álemdik úrdisterdegi paıdaly, jańa, ońdy ózgerister týraly aıtady. Bul turǵydan úzdik spıkerleri bar sammıt te, onyń qorytyndy sessııasy da Qazaqstannyń ulttyq múddelerine tolyǵymen saı keledi», - dedi Natalıa Kalashnıkova.
Budan ózge, sarapshynyń oıynsha, Qazaqstan óz spıkerleriniń baıandamalary arqyly áleýmettik, áleýmettik-ekonomıkalyq jáne syrtqy saıasattaǵy jetkilikti túrde qyzyqty tásilderin kórsete alady.
«Búginde Qazaqstan tek eldegi Úshinshi jańǵyrtýdy ǵana emes, sonymen birge ekonomıka men áleýmettik salanyń barlyq baǵyttaryn jańǵyrtýdaǵy sharalaryn maqtan tuta alady. Qazaqstannyń saıasaty kóptegen elderdiń saıasatynan birshama erekshelenedi. Sebebi, biz úshin adam qundylyǵy birinshi kezekte tur», - dedi N. Kalashnıkova.
QR Prezıdenti janyndaǵy Qazaqstan strategııalyq zertteýler ınstıtýtynyń áleýmettik-ekonomıkalyq zertteýler bóliminiń ǵylymı qyzmetkeri Bekjan Sadyqovtyń aıtýynsha, Astanada AEF-2018-di ótkizý Qazaqstandaǵy jahandyq megatrendter turǵysynan saraptamalyq pikirdiń damýyna oń áserin tıgizedi.
«Qazirgi tańda Astana kóptegen sarapshylardy elge tartý kúshi sanalady. Shaqyrylǵan bedeldi sarapshylardyń tájirıbesi, daǵdylary, keń tanymdary bizdiń sarapshylar qaýymdastyǵyna, eń aldymen, Úkimetke Qazaqstandy odan ári jańǵyrtýǵa baǵyttalǵan sharalardy ázirleýge kómektesedi. Sondaı-aq, mundaı almasý halqymyzǵa zamanǵa saı bolyp, Qazaqstannyń qaı baǵytta damyp jatqanyn bilýine jol ashady», - dep túsindirdi sarapshy.
Bekjan Sadyqov óz oıyn jalǵastyra otyryp, búgingi tańda Qazaqstan maqsaty bir - elimizdi jańǵyrtýdy jalǵastyrýdy kózdeıtin kóptegen memlekettik baǵdarlamalardy iske asyryp jatqanyn atap ótti. Budan ózge, atalǵan baǵdarlamalardyń taǵy bir mańyzdy tusy - olar Indýstrııa 4.0 jaǵdaıynda nátıjelilikke, ónimdilikke baǵyttalǵan. Qazaqstan búginde álemdik ekonomıkalyq keńistikke barynsha aralasyp keledi. AHQO qurylyp jatyr, aqparattyq júıeler men qarjy sektory damyp keledi.