Qazaqstandyq Rýslan Mádıev AQSh-ta meksıkalyq boksshyny jeńdi

NUR-SULTAN. QazAqparat – Qazaqstandyq boksshy Rýslan Mádıev (13-2, 5 KO) San-Antonıodaǵy (Tehas shtaty, AQSh) boks keshinde óner kórsetti, dep habarlaıdy QazAqparat Sports.kz saıtyna silteme jasap.

Ol meksıkalyq Lýıs Ramospen (21-1, 19 KO) jekpe-jekke shyqty. Jartylaı orta salmaqtaǵy aıqas toǵyz raýndqa josparlandy jáne ol sońyna deıin ótti. Mádıev tóreshilerdiń biraýyzdy sheshimimen jeńiske jetti.

Osylaısha, Rýslan Mádıev profı-bokstaǵy mansabynda 14-inshi ret jeńisin toılady. Al Lýıs Ramos ekinshi ret jeńilip otyr.

Aıta ketý kerek, Mádıev – Golden Boy Promotions promoýterlik kompanııasynyń klıenti, atalǵan kompanııa uzaq ýaqyt boıy meksıkalyq Saýl «Kanelo» Alvarespen jumys istegen.