Qazaqstandyq rejısser Taıqazan týraly mýltfılm túsirip jatyr

ASTANA. QazAqparat – Qazaqstandyq rejısser-anımator Qýanysh Naǵyz «Taıqazan hıkaıasy» atty mýltfılm túsirip jatyr. Onda kıeli Taıqazandy qaıtaryp alý úshin jolǵa attanyp, zulym jaýmen shaıqasta qaısarlyq kórsetken jas batyr týraly baıandalady, dep habarlaıdy QazAqparat.

«2007 jyly men «Altyn jebe» anımatsııalyq fılmder festıvaline qatystym, ol kezde T. Júrgenov atyndaǵy QazUÓA úshinshi kýrs stýdenti edim. Festıval sheńberinde barlyq qonaqtarǵa Túrkistandy aralatyp, Qoja Ahmet ıAssaýıdiń kesenesine alyp bardy. Sol kezde kıeli Taıqazandy alǵash kórip, keremet áser aldym. Osydan shamamen eki jyl buryn Taıqazan týraly mýltfılm túsirýdi oılap, barlyq derektermen tanysyp shyqtym. Keıin stsenarıı jazyp, osy jazda Ulttyq kınony qoldaý memlekettik ortalyǵynyń stsenarııler baıqaýyna qatystym», - deıdi rejısser Qýanysh Naǵyz.

Aıta ketsek, bul jas rejısserdiń alǵashqy jumysy emes. Ol ár jyldary «Qazaqfılm» kınostýdııasynda «Úsh syılyq» jáne «Meniń atym Qozy» syndy basqa da anımatsııalyq týyndylardy túsirgen.

Rejısserdiń aıtýyna qaraǵanda, «Taıkazan hıkaıasy» - komedııamen aralas túsiriletin shytyrman oqıǵaly mýltfılm. Sonymen qatar, ol daıyndyq kezeńi barysynda aýqymdy jumystar atqarylǵanyn, fılmniń negizgi personajdary salynǵanyn, sondaı-aq jobanyń anımatıgi (syzba nusqasy) túsirilgenin habarlady. Búginde jas mýltıplıkator negizgi lokatsııalardy salyp, keıbir sahnalardy qozǵalyspen kórkemdep jatyr. Túsirý jumystary qarasha aıynda aıaqtalady.