Qazaqstandyq parlamentarııler Sankt-Petýrbýrgte TMD PAA otyrysyna qatysty

SANKT-PETERBÝRG. QazAqparat - Qazaqstan Respýblıkasy Parlamenti Senatynyń tóraǵasy Darıǵa Nazarbaeva bastaǵan qazaqstandyq parlamentshiler Sankt-Peterbýrgtegi TMD Parlamentaralyq Assambleıasy Keńesiniń otyrysyna qatysty. Bul týraly «QazAqparat» HAA-nyń menshikti tilshisi habarlady.

Otyrystyń basynda TMD PAA tóraǵasy Valentına Matvıenko Senat basshysyn joǵary laýazymǵa taǵaıyndalýymen quttyqtady.

«Qurmetti Darıǵa Nursultanqyzy, siz ekeýimiz Keńes quramyndaǵy erlerdiń monopolııasyn az da bolsa báseńdettik», - dep qaljyńdady V.Matvıenko.

«Jaýapty laýazymyńyzda Sizge tabystar tileımin, birlese qyzmet atqara bereıik», - dedi ol.

Otyrys qatysýshylary TMD Parlamentaralyq Assambleıasynyń 19 sáýirde Sankt-Peterbýrg qalasynda ótetin 49-shy Jalpy otyrysynyń kún tártibiniń jobasyn qarady. Sondaı-aq uıymǵa múshe elderde sońǵy kezderi ótken saılaýlardy monıtorıngileýge TMD PAA-nyń halyqaralyq baqylaýshylarynyń qatysý máselesi talqylandy.

Sondaı-aq «Saılaý ınstıtýty - jarııaly bılikti legıtımdeý tetigi retinde» halyqaralyq konferentsııasyna daıyndyq barysy sóz boldy.

Keńes músheleri TMD memleketterinde terrorızmge qarsy is-qımyldardy quqyqtyq qamtamasyz etý týraly aqparatpen tanysyp, TMD PAA janyndaǵy Baqylaýshy mártebesi týraly erejeniń jobasyn qarady.

Shara sońynda Keńes músheleri TMD Parlamentaralyq Assambleıasynyń 2018 jylǵy qyzmetin qorytyndylap, aldaǵy kezeńge TMD-daǵy modeldi zań shyǵarýshylyqtyń perspektıvaly josparynyń jobasyn qurý máselesin talqylady.

Eske sala keteıik, buǵan deıin Senat basshysy jáne Qazaqstan delegatsııasynyń músheleri TMD PAA is-sharalary aıasynda ótkizilip jatqan Halyqaralyq terrorızmge qarsy is-qımyl jónindegi konferentsııaǵa qatysqan bolatyn.

Avtory Medet Ahmetov