Qazaqstandyq paradzıýdoshy álemdik Gran Prı týrnırinde qola júldeger atandy
11:56, 14 Mamyr 2019
NUR-SULTAN. QazAqparat - Ázerbaıjan astanasy Bakýde ótip jatqan paradzıýdodan Álemdik Gran Prı týrnırinde qazaqstandyq sportshy Oljas Orazaly qola júldeger atandy. Bul týraly Sportty damytý dırektsııasyna silteme jasap QazAqparat habarlaıdy.
60 kelige deıingi salmaqta synǵa túsken álem chempıony Oljas Orazaly jarys barysynda 5 kezdesý ótkizip, onyń 4-eýinde jeńiske jetti.
Jarys nátıjesi boıynsha ázerbaıjandyq Shırınlı Výgar jeńimpaz atansa, Belgııa sportshysy Aleks Bologa ekinshi orynǵa taban tiredi.
Baıraqty básekede 35 memlekettiń balýandary 2020 jyly Tokıoda ótetin paralımpıada oıyndaryna joldama upaılaryn sarapqa salyp jatyr.
12-15 mamyr aralyǵynda ótip jatqan dodada Qazaqstan namysyn 4 salmaq dárejesinde jeti sportshy qorǵaýda.