Qazaqstandyq ónertapqysh tegin bilim alý mobıldi qosymshasyn oılap tapty

NUR-SULTAN. QazAqparat – Qazaqstandyq ónertapqysh Nur Qutty balalarǵa arnalǵan qoljetimdi bilim alýǵa arnalǵan jańa mobıldi qosymsha ázirledi. ISEN dep atalatyn bilim berý platformasynda sabaqtar eki tilde (qazaqsha, oryssha) qoljetimdi jáne ony kez kelgen oqýshy júktep qajetine jarata alady. Bilim berýge arnalǵan jańa mobıldi qosymshanyń basqa da artyqshylyqtary týraly ónertapqysh QazAqparat tilshisine aıtyp berdi.

«ISEN (International Social and Education Network) mobıldi qosymshasy patenttelgen jáne avtorlyq quqyǵy da qorǵalǵan. Bul bilim berý platformasyn óz seriktesterimmen birge bilimge qushtar balalar úshin oılap taptyq. Sebebi keıbir balalardyń qosymsha bilim alýǵa múmkindigi joq, onyń sebebi de ártúrli otbasylyq jaǵdaıǵa baılanysty nemese aqysy joǵary. Mobıldi qosymshada kóptegen pánder boıynsha qazaq jáne orys tilinde beıne sabaqtar júktelgen. Negizgi pánderden bólek, tanymdyq sabaqtar da bar. Atap aıtsaq, órt qaýipsizdigi, jer silkinisi kezinde ne isteý kerek, qarjylyq saýattylyq, kompıýterlik baǵdarlama ázirleý, grafıka, pedofıldiń quryǵyna túsip qalmaý, jol júrý erejeleri. Odan bólek, shet tilin, dombyra, shahmat úırený týraly beıne sabaqtar da qoljetimdi. ıAǵnı ISEN mobıldi qosymshasyn uıaly telefonyńyzǵa kóshirip, beıne sabaqty tegin kóre berińiz», - dedi jobanyń avtory Nur Qutty.

Jańa bilim berý platformasy osy jyldyń naýryz aıynda iske qosylǵan jáne ony ázirleýge 2,5 jyl ýaqyt jumsalǵan.

«Mobıldi qosymsha Almaty qalasyndaǵy 3 mektepte pılottyq synaqtan ótkizildi. Búginde bilim berý jobamyz óz elimizden bólek, AQSh-tyń birneshe shtattarynda, Kanada, Úndistan, Túrkııa jáne Eýropanyń keıbir elderinde qoldanysqa ıe. Jáne sheteldik tutynýshylar sınhrondy aýdarma arqyly paıdalanady. Qazirgi ýaqytta mobıldi qosymshany 10 myńnan astam adam júktep, qoldanyp jatyr», - deıdi ol.

Onyń aıtýynsha, búginde atalǵan bilim berý platformany odan ári keńinen nasıhattaý maqsatynda birneshe halyqaralyq uıymdarmen kelissózder júrip jatyr.

«Beıne sabaqtardy biz aldyn ala túsirip, keıin ony júkteımiz. Sabaqtardy sala mamandary túsindiredi. Jáne beıne sabaqtar oqýshylarǵa bilim berýmen qatar olardyń tanymdyq qabiletiniń jetile túsýin kózdeıdi. Jalpy osy jobany ázirleýge 16 maman jumyldyryldy. Az ýaqyttyń ishinde oqýshylarǵa ózdiginen bilim-biligin jetildirýge arnalǵan mobıldi qosymshamyzǵa ıÝNESKO, ıÝNISEF halyqaralyq uıymdary jáne Qazaqstandaǵy AQSh elshiligi oń baǵasyn berip úlgerdi», - dedi ónertapqysh.