Qazaqstandyq Olımpıada chempıony dopıng úshin sporttan shettetildi
08:42, 19 Qańtar 2021
NUR-SULTAN. QazAqparat – Aýyr atletıkadan 2016 jylǵy Olımpıada chempıony, qazaqstandyq Nıdjat Rahımov dopıngke qarsy erejelerdi buzǵany úshin ýaqytsha sporttan shettetildi, delingen Halyqaralyq aýyr atletıka federatsııasynyń (IWF) saıtynda. Bul týraly QazAqparat Sports.kz saıtyna silteme jasap habarlaıdy.
Nıdjat Rahımov 2016 jyly zár taldaýyn almastyrdy dep aıyptalýda. Dál osyndaı aıyppen 2017 jylǵy Eýropa chempıony Dýmıtrý Kaptarı da sporttan ýaqytsha shettetildi.
Rıo-de-Janeıroda ótken Olımpıadada Nıdjat Rahımov 77 kelige deıingi salmaq dárejesinde jeńiske jetip, 2015 jyly álem chempıony atandy.
27 jastaǵy Rahımov 2013 jyly da dopıngke qarsy erejelerdi buzǵany úshin eki jylǵa shettetilgen bolatyn.