Qazaqstandyq oqýshylar fızıkadan halyqaralyq olımpıadada bes medal ıelendi

ASTANA. QazAqparat – Qazaqstandyq oqýshylar Tokıoda ótken fızıkadan halyqaralyq olımpıadada tórt kúmis, bir qola júldege ıe boldy, dep habarlaıdy QazAqparat.

Oqý-aǵartý mınıstrliginiń málimetinshe, jarysqa álemniń 83 elinen 415 oqýshy qatysqan. Qazaqstandyq oqýshylar tórt kúmis, bir qola júldege ıe bolyp, úzdik nátıje kórsetti:

Ersultan Pitebaı – Almaty qalasyndaǵy DBBU «FMB NZM» oqýshysy;

Alısher Erkebaev – Aqtóbe qalasyndaǵy DBBU «FMB NZM» oqýshysy;

Marǵulan Nursaǵatov – Almaty qalasynyń №165 mamandandyrylǵan lıtseıiniń oqýshysy; Dosjan Bısımbı – Almaty qalasynyń «Mıras» halyqaralyq mektebiniń oqýshysy;

Daır Nurtaev – Pavlodar qalasynyń daryndy balalarǵa arnalǵan № 8 lıtseı-mektebiniń 11 synyp oqýshysy;

Qurama komandanyń jetekshileri – PhD doktory, Súleıman Demırel atyndaǵy ýnıversıtettiń dotsenti Samat Maqsutov jáne ál-Farabı atyndaǵy Qazaq ulttyq ýnıversıtetiniń doktoranty Andreı Sıdorenko.

«Oqýshylardyń bilimi men daǵdylary eki týr boıynsha synaldy. Birinshi týr teorııalyq esepter, ekinshi týr – eksperımenttik. Onda qatysýshylar zerthanalyq jumystar júrgizdi. Barlyq tapsyrma qyzyqty jáne mazmundy boldy. Olardyń sheshimi tapqyrlyq pen refleksııany qajet etti. Bizdiń qurama tamasha nátıje kórsetti», - deıdi komandanyń ǵylymı jetekshisi Samat Maqsutov.

Olımpıadaǵa qatysqan barlyq jyldary qazaqstandyq oqýshylar 114 marapatqa ıe boldy. Onyń ishinde 14 altyn, 45 kúmis, 29 qola medal jáne 25 qurmet gramota bar.