Qazaqstandyq oqýshylar AQSh-ta tegin oqı alady
«Elderimiz arasynda bilim berý salasyndaǵy ózara tıimdi yntymaqtastyq ornatylyp, barlyq deńgeıde birden birneshe joba iske asyrylyp jatyr. Biz ártúrli tájirıbe almasý baǵdarlamalaryn qup kóremiz, mysaly FLEX arqyly 2 000-nan astam oqýshy AQSh mektepterinde oqydy. Aǵylshyn tilin damytý – tıimdi baǵdarlamalardyń biri. Baǵdarlama qatysýshylary uıymdarymyzda aǵylshyn tilin úıretedi. Sondaı-aq, STEM jáne ınklıýzıvti bilim berýdi damytý boıynsha belsendi jumys istep jatyrmyz. Barlyq baǵyt boıynsha aldaǵy ýaqytta yntymaqtastyǵymyz nyǵaıa túsetinine senemin», - dedi oqý-aǵartý mınıstri Ashat Aımaǵambetov.
AQSh-tyń Qazaqstandaǵy Tótenshe jáne ókiletti elshisi Denıel Rozenblıým yntymaqtastyqqa daıyn ekenin aıtyp, ekijaqty baılanystyń áleýetin atap ótti.
«El bolashaǵy óskeleń urpaqtyń bilimimen tyǵyz baılanysty. Bul – óte mańyzdy mıssııa. Ózińiz ataǵandaı, bizdiń kóp jyldar boıǵy tabysty seriktestigimiz jalǵasyp keledi. Odan ári yntymaqtastyqqa daıynbyz, onyń ishinde Qazaqstandaǵy muǵalimderdiń biliktiligin arttyrý baǵdarlamalary boıynsha», - dedi Elshi.
Kezdesýde bilim salasyndaǵy yntymaqtastyqtyń basqa da máseleleri talqylandy. Atap aıtqanda, muǵalimderdiń biliktiligin arttyrý, kolledjderdi damytý, ınklıýzıvti bilim berý. Sondaı-aq, muǵalimderge arnalǵan sertıfıkattar men kýrstardy taný máselelerin qarady.
Sonymen birge, taraptar eki eldiń mektepke deıingi, orta, tehnıkalyq jáne kásiptik bilim berý salasyndaǵy áriptestigin odan ári nyǵaıtýǵa jáne keńeıtýge qyzyǵýshylyq bildirdi.
Foto: gov.kz