Qazaqstandyq N. Mamaev ǵalamshardyń úzdik sportshysy bolyp tanyldy

ASTANA. QazAqparat - Dúnıejúzilik taekvondo federatsııasy QR QM Armııa ortalyq sport klýbynyń qatysýshysy qatardaǵy jaýynger Nursultan Mamaevty ǵalamshardyń úzdik sportshysy ekenin jarııa etti. Bul mártebe qazaqstandyq sportshy jaýyngerge Manchesterdegi (Ulybrıtanııa) taekvondodan (WTA Grand Prix) álemdik Gran-prı kezeńinde sátti óner kórsetýden keıin berildi. Bul týraly QR Qorǵanys mınıstrliginiń baspasóz qyzmetinen habarlady.

58 kelige deıingi salmaqta Nursultan Mamaev ıspanshy Jezýs Tortos Kabreromen aıqasýda jeńiske jetip, álemniń 30 myqty taekvondoshysy arasyndaǵy absolıýttik chempıon atandy.

«Qazir Nursultan órleý ústinde. Ol iri álemdik týrnırlerde birneshe márte jeńisterimen óziniń sheberligin rastaı otyryp, qarqyndy túrde joǵaryǵa qaraı ilgerileýde. Sońǵy ýaqyt ishinde ol qatarynan birneshe reıtıngtik saıystardy jeńip aldy. Qazirgi kezde Rıo-de-Janeırodaǵy Olımpıadaǵa lıtsenzııa alýǵa birden-bir úmitker bolyp tabylady jáne joǵary marapattardy alýdy kózdep otyr», - dep atap ótýde taekvondodan komanda bastyǵy QR QM AOSK-nyń kapıtany Ánýar Úsenov.

Nursultan Mamaev 2010 jylǵy jazǵy jasóspirimderdiń Olımpııalyq oıyndarynyń kúmis júldegeri, 2012 jylǵy londondyq Olımpıadanyń qatysýshysy, Azııa oıyndarynyń kúmis júldegeri (2014), jazǵy Ýnıversıada jáne VI Dúnıejúzilik armııa oıyndarynyń jeńimpazy (2015), birneshe dúrkin jeńimpaz jáne halyqaralyq reıtıngtik týrnırlerdiń júldegeri. Ol QR QM Armııa ortalyq sport klýbynyń daryndy sportshylarynyń biri. Oǵan otandyq áskerı sportty damytýda erekshe úmit artylyp otyr.