Qazaqstandyq mıýzıkl Koreıada ótken halyqaralyq festıvalde úzdik dep tanyldy

TEGÝ. QazAqparat – Qazaqstandyq mıýzıkl Koreıada 2 marapatqa ıe boldy, dep habarlaıdy QazAqparat Mádenıet jáne sport mınıstrligine silteme jasap.

Roza Baǵlanova atyndaǵy «Qazaqkontsert» uıymyna qarasty «Astana Musical» memlekettik teatry sahnalaǵan «Roza Baǵlanova» qoıylymy Daegu International Musical Festival festıvalinde «Úzdik halyqaralyq mıýzıkl» nomınatsııasyn jeńip aldy.

Baıqaý jyl saıyn Ońtústik Koreıanyń Tegý qalasynda álemniń túkpir-túkpirinen teatrlar men shyǵarmashylyq ujymdardy jınaıtyn bedeldi halyqaralyq mıýzıkl festıvali. Bıyl ol 17-shi ret ótti. Astana Musical ujymy oǵan alǵash ret qatysty. Ártister Koreıaǵa QR Mádenıet jáne sport mınıstrliginiń qoldaýymen bardy.

Qazaqstandyqtar bir marapatpen shektelmedi. Qoıylymda basty keıipker – Roza Baǵlanovanyń rólin somdaǵan aktrısa Zarına Makına úzdik áıel róli úshin júldege ıe boldy. Ol Anglııa, Germanııa jáne Frantsııadaǵy áriptesterinen basym tústi.

«Bul – Qazaqstan teatr óneriniń aıshyqty jetistigi. Astana Musical artısteri kórermen qaýymdy talanttaryna tánti etip, álem jurtshylyǵynyń qazaq mádenıeti týraly bıik kózqaras qalyptastyrýyna sep boldy. Men elimizge jeńis baqytyn syılaǵan artısterge alǵys aıtamyn jáne quttyqtaımyn. Olarǵa sarqylmas shabyt pen jańa shyǵarmashylyq bıikterdi baǵyndyrýdy tileımin», - dedi Mádenıet jáne sport mınıstri Ashat Oralov.