Qazaqstandyq mogýlshylar Olımpıada trassasynda jattyǵyp jatyr
09:52, 05 Aqpan 2018
ASTANA. QazAqparat - Qazaqstandyq mogýlshylar Olımpıada jarystary ótetin trassasynda alǵashqy jattyǵýlaryn bastady, dep habarlaıdy QazAqparat QR UOK-niń baspasóz qyzmetine silteme jasap.
Búgingi tańda frıstaıl-mogýldan Qazaqstan quramasy Olımpıada oıyndaryna sońǵy daıyndyqtaryn pysyqtaýda. Olımpıadada Qazaqstan namysyn frıstaıl-mogýldan Dmıtrıı Reıherd, Pavel Kolmakov, ıÝlııa Galysheva men Aıaýlym Amrenova bastaǵan qyz-jigitter qorǵaıdy. Atalǵan sport túrinen fınaldyq jarystar aqpannyń 11 (áıelder) men 12-ne (erler) josparlanǵan.
Esterińizge sala keteıik, Olımpıada oıyndary 9-25 aqpan aralyǵynda ótedi. Dodanyń resmı ashylý saltanatynda Qazaqstan týyn short-trekshi Abzal Ájiǵalıev ustap shyǵady.