Qazaqstandyq maınerler gazdyń qunyn iri tutynýshylar retinde tóleýge mindettelmek

ASTANA. QazAqparat – Elimizde maınerler taýarlyq gazdyń qunyn iri tutynýshylar retinde tóleýge mindettelýi múmkin. Bul týraly ashyq talqyǵa shyǵarylǵan Energetıka mınıstrliginiń buıryǵynda kórsetilgen, dep habarlaıdy QazAqparat tilshisi.

Atap aıtqanda, jańa redaktsııada iri tutynýshylar qataryna tsıfrlyq maınıngti júzege asyratyn uıymdar engizilgen.

«Ónerkásiptik, kommýnaldyq-turmystyq tutynýshylar, iri kommertsııalyq tutynýshylar, tsıfrlyq maınıngti júzege asyratyn tulǵalar, elektr energııasyn óndirý jónindegi tulǵalar tsıfrlyq maınıngti júzege asyrý úshin taýarlyq gazdy ónim berýshilerden Qazaqstan Respýblıkasynyń azamattyq zańnamasyna sáıkes jasalǵan sharttar negizinde satyp alady. Joǵaryda atalǵandar úshin taýarlyq gazdy paıdalanýdyń bólek esebi júrgiziledi»», - delingen qujatta.

Aıta keteıik, qoldanystaǵy talap boıynsha iri tutynýshylarǵa ónerkásipter, ınvestorlar men elektr stantsııalarynyń tizimine engen zańdy tulǵalar ǵana jatady.

Buıryq 20 aqpanǵa deıin kópshilik talqylaýda bolady.