Qazaqstandyq qutqarýshylar Túrkııada 7 adamdy qutqaryp, 53 adamnyń máıitin shyǵardy

ASTANA. QazAqparat - Іzdeý-qutqarý jumystary júrgizile bastaǵan kúnnen bastap Qazaqstan TJM qutqarýshylary 7 adamdy qutqaryp, medıtsına qyzmetkerlerine tapsyrdy.

Qaıtys bolǵan 53 adamnyń, onyń ishinde 4 balanyń denesi úıindi astynan shyǵaryldy, dep habarlady búgin QR Tótenshe jaǵdaılar mınıstrliginiń baspasóz qyzmeti.

Qazirgi ýaqytta Qazaqstan TJM qutqarýshylary izdeý-qutqarý jumystaryn jalǵastyrýda.

Gazıantep qalasy birinshi eshelonmen barǵan qutqarýshylar táýlik boıy eki aýysymda úsh ýchaskede jumys istep jatyr.

Qutqarýshylardyń birinshi toby toǵyz qabatty ǵımaratta jumys júrgizip jatyr. Ǵımarat tolyǵymen qıraǵan. Úıindilerdiń arasynan adamdardy izdeý jumystary jalǵasýda. Bul jerde úıindilerdiń astynan 4 adam qutqaryldy, 8 qaza tapqan adamnyń denesi shyǵaryldy.

Qutqarýshylardyń ekinshi toby alty qabatty ǵımaratta jumys júrgizýde. Ǵımarat ishinara qıraǵan, apatty, qıraý dınamıkasy baıqalady, turaqsyz qurylymdarǵa baılanysty ǵımarattardyń tolyq qıraý qaýpi bar. Ǵımarattyń 2-qabatyna deıin ınjenerlik tehnıkany paıdalana otyryp, demontaj júrgizildi, úıindilerdiń arasynan adamdardy izdeý jumystary jalǵasýda. Qaıtys bolǵan 19 adamnyń denesi shyǵaryldy.

Úshinshi top ta alty qabatty ǵımaratta jumys júrgizýde. Ǵımarat tolyǵymen qıraǵan. Úıindilerdiń arasynan adamdardy izdep jatr, qaıtys bolǵan 18 adamnyń denesi shyǵaryldy.

Qazaqstann TJM ekinshi eshelonmen barǵan qutqarýshylar Túrkııaǵa kelgen sátten bastap Nýrdagy qalasynda izdeý-qutqarý jumystaryn táýlik boıy júrgizýde. Tolyǵymen qıraǵan ǵımaratta qazaqstandyq qutqarýshylar adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıo baılanys ornatý, qajetti kómektiń kólemi men sıpatyn anyqtaý boıynsha jumystaryn júrgizdi.

Qazaqstandyq qutqarýshylardyń óte tereńde jatqan úıindilerdiń astynan zardap shekkenderdi evakýatsııalaý úshin jol ashý jumystaryn oryndap, jedel jáne saýatty is - qımyldyń, sondaı-aq zardap shekkenderdi bloktan shyǵarý boıynsha ýaqtyly qabyldanǵan sharalardyń nátıjesinde kólemi 18 myń tekshe metrden astam úıindiniń astynan úsh tiri adamdy - er adam men eki áıeldi shyǵarýǵa múmkindik týdy. Adamdar dereý medıtsına mamandaryna jetkizildi. Qaıtys bolǵan 4 adamnyń denesi shyǵaryldy. Zardap shekken adamdardy izdeýge tehnıkalyq quraldar, úıindilerdi bólshekteýge ınjenerlik tehnıka paıdalanylýda. Úıindilerdiń arasynan adamdardy izdeý jumystary júrgizilýde.