Qazaqstandyq kúrzi judyryq ıesi chempıondyq belbeýin Denıs Tenge arnady

ASTANA. QazAqparat - Qazaqstandyq boksshy Alı Baloev kásibı rıngtegi altynshy jeńisin jýyrda ǵana qylmyskerlerdiń qolynan mert bolǵan mánerlep syrǵanaýshy, Denıs Tenge arnady, dep habarlaıdy Sports.kz.

Baloev Ostındegi (Tehas shtaty, AQSh) boks keshinde amerıkalyq Rıchard Ýrkısony (3-4-2, 1 KO) birinshi raýndta nokaýtpen jeńip, aýyr salmaqta bos turǵan jasóspirimder arasyndaǵy NABF chempıondyq belbeýiniń ıegeri atandy.

«Assalamaleıkým! barlyqtaryńyzdyń quttyqtaýlaryńyzǵa alǵasymdy bildiremin. Búgin men qýanyp ta qaıǵyryp ta turmyn. Qýanyp turǵan sebebim jeńimpaz atandym, men búgin Soltústik Amerıkanyń chempıonymyn. Qaıǵym, barlyǵymyzdyń qabyrǵamyzdy qaıystyrǵan Denıs Tenniń qazasy. Men búgingi jeńisim men chempıondyq belbeýimdi osy erekshe daryndy sportshyǵa, aqjarqyn minezdi azamatqa arnaımyn. Men Alı Baloev, búgingi jeńisimdi saǵan arnaımyn Denıs! Aman bolyńyzdar!»,-dep jazdy ol óziniń v Instagram-daǵy paraqshasynda.

Aıta keteıik, 19 shilde kúni Almatydaǵy Qurmanǵazy men Baıseıitova kósheleriniń qıylysynda eki qaraqshy Denıs Tenniń kóliginiń aınasyn urlamaqshy bolǵan. Sportshy qylmyskerlerdiń qylmysynyń ústinen túsip, janjal bastalǵan. Sol sátte mánerlep syrǵanaýshyǵa qylmyskerlerdiń biri pyshaq saldy. Kóp qan joǵaltqan Denıs aýrýhanada kóz jumdy.