Qazaqstandyq kýrsant Elnur Asanov Seýlde alǵashqy bolyp daýys berdi

ASTANA. QazAqparat – Qazaqstan Respýblıkasynyń Koreıa Respýblıkasy men Japonııadaǵy azamattary QR Parlamenti Májilisi depýtattarynyń kezekten tys saılaýynda daýys berý quqyǵyn alǵashqylardyń biri bolyp paıdalandy, dep habarlaıdy QazAqparat.

QR Syrtqy ister mınıstrliginen málim etkendeı, Seýl qalasynda saılaýda daýys bergen alǵashqy zamat kýrsant ElnurAsanov boldy.

«Men bul saılaý elimiz úshin ekonomıkalyq damýdyń jańa múmkindikterin ashady dep kútemin. Transformatsııa bizdiń memleketimiz úshin qajet, ol eldiń durys baǵytta damýyna qýatty serpin beredi dep senemin. Men Qazaqstan Respýblıkasynyń azamaty retinde azamattyq boryshymdy oryndap, óz úlesimdi qosqym keledi! Elimizge nyǵaıyp, órkendepý tileımin!» - dedi E.Asanov.

Buǵan deıin habarlaǵanymyzdaı, Seýlde №258 jáne Tokıoda №261 saılaý ýchaskeleri jergilikti ýaqyt boıynsha saǵat 07.00-de (astana ýaqytymen 04.00-de) daýys berý úshin birinshi bolyp ashyldy.