Qazaqstandyq kórkem gımnastshy Azııa chempıony atandy

ASTANA. QazAqparat - Kórkem gımnastshy Ádilhanova Alına kópsaıysta joǵary deńgeıde óner kórsetip Azııa chempıony atandy. Ekinshi, úshinshi oryndardy ózbekstandyq sportshylar ıelendi. Bul týraly QazAqparat MSM baspasóz qyzmetine silteme jasap habarlaıdy.

Sonymen qatar, toptyq jattyǵýdan qazaqstandyq gımnastshylar  Sultanova Regına, Jakýpova Daıana, Talǵatbek Anel, Býdnık Djessıka, Daýletqulova Janerke ekinshi oryn aldy,  I  oryn japondyq gımnastshylar ıelendi, III oryn malaızııalyq gımnastshylar enshisinde.  

Jasóspirimder arasynda ótken jarysta Sadýbaeva Arýana, Elshibek Balqyz, Mansur Dılnoza, ıAsmın Alıeva, Toqdemir Derııa ekinshi oryn aldy,

Birinshi oryn qytaılyq qyzdarda, úshinshi orynda japondyq sportshylar. Aıta keteıik, buǵan deıin qazaqstandyq gımnastshylar jasóspirimder arasynda   komandalyq birinshilikte 1 orynǵa ıe bolǵan edi. Sonymen qatar,  qazaqstandyq jasóspirim gımnastshy qyzdar kópsaıystaǵy toptyq jattyǵýda úshinshi orynnan kórindi.

Al, Roza Abıtova qazannyń 6-18 aralyǵynda Argentına astanasy Býenos Aıresta ótetin Jasóspirimderdiń Olımpıada oıyndaryna lıtsenzııa utyp aldy. 

Esterińizge salaıyq, 28 sáýir men 3 mamyr aralyǵynda Kýala Lýmpýrde kórkem gımnastıkadan 10-shy Azııa Chempıonaty ótip jatyr.  Jarysqa Azııanyń 18 memleketinen sportshylar qatysyp jatyr.

Sportshylar kópsaıysta, kópsaıystyń keıbir túrleri men komandalyq birinshilikte medaldardy sarapqa salady.