Qazaqstandyq kolledjderde alǵash ret jumys berýshiler kúni ótip jatyr

ASTANA. QazAqparat - Elimiz boıynsha 700-den astam kolledj alǵash ret Jumys berýshiler kúnin atap ótip jatyr. Іs-sharaǵa iri kompanııalardyń, shaǵyn jáne orta bıznestiń 4 myńnan astam ókili qatysyp otyr, dep habarlaıdy QR Oqý-aǵartý mınıstrliginiń baspasóz qyzmeti.

​Tehnıkalyq jáne kásiptik bilim berý uıymdary jumys berýshilermen 600-den astam memorandým men 500-den astam yntymaqtastyq týraly kelisimge qol qoıdy.
Óńirlerdegi kolledjder «Energojúıe» JShS, «Jaryq» Aqtóbe mehanıkalandyrylǵan elektr jelileri kásiporny, «LTD» JShS, «Qazaq uny» JShS, «Mejregıonenergotrazıt» JShS, «Astyqjan KT» JShS, «PF BEST» JShS, «Gıdrostal» JShS jáne basqa da kásiporyndarmen memorandým jasasty.

«Jumys berýshiler kúni kadr daıarlaý jáne túlekterdi jumysqa ornalastyrýda jumys berýshilermen yntymaqtastyqty keńeıtý maqsatynda ótkizilip otyr. Búgingi tańda kolledjder iri kásiporyndarmen jáne uıymdarmen belsendi yntymaqtastyq ornatyp jatyr. Akademııalyq táýelsizdik aıasynda kolledjder jumys berýshilermen birlesip, eńbek naryǵynyń suranysyna saı bilim berý baǵdarlamalaryn ázirleıdi. 500-den astam TjKB uıymy dýaldy oqytýdy engizdi jáne jumys berýshiler de mamandardy daıarlaýǵa belsendi atsalysyp keledi. Ekijaqty yntymaqtastyqtyń arqasynda stýdentter teorııany praktıkamen ushtastyryp, tańdaǵan mamandyǵyn jumys ornynda tikeleı úırenedi. ıAǵnı kásiporyndar óz qyzmetkerlerin oqytýǵa jáne úzdik stýdentterdi jumysqa alýǵa múmkindik alyp otyr. Al stýdentter birte-birte mamandyqqa túsip, eńbekke qajetti mashyqtardy meńgeredi. Bıylǵy oqý jylynda nysanaly memlekettik bilim berý tapsyrysy aıasynda kásiporyndardyń suranysy boıynsha 10 myńnan astam adam kolledjderge qabyldanǵanyn atap ótkim keledi», - dedi Oqý-aǵartý mınıstrligi Tehnıkalyq jáne kásiptik bilim departamenti dırektorynyń m.a. Ernat Júnisov.