Qazaqstandyq kólik kompanııalarynyń júrgizýshilerine Iranǵa 1 jyldyq vızalar beriledi

TEGERAN. QazAqparat - QR Syrtqy ister mınıstrligi men Ádilet mınıstrligi ókilderinen quralǵan qazaqstandyq delegatsııa Qazaqstan Respýblıkasy men Iran Islam Respýblıkasy arasyndaǵy konsýldyq konsýltatsııalardyń segizinshi otyrysyna qatysty. Bul týraly QazAqparat QR SІM-niń baspasóz qyzmetine silteme jasap.

Qazaqstandyq delegatsııany elimizdiń Syrtqy ister mınıstrligi Konsýldyq qyzmet departamentiniń dırektory Taýboldy Úmbetbaev, al ırandyq delegatsııany Iran Syrtqy ister mınıstrligi Konsýldyq qyzmet departamentiniń dırektory Álı Asǵar Mohammadı basqardy.

Ótkizilgen is-shara barysynda taraptar konsýldyq saladaǵy ekijaqty yntymaqtastyqtyń aýqymdy máselelerin talqylady.

Atap aıtqanda, taraptar ózara konsýldyq-quqyqtyq jáne vızalyq qatynastar, onyń ishinde eki el aýmaqtaryndaǵy azamattardyń quqyqtary men múddelerin qorǵaý máselelerin jan-jaqty talqylady. Qazaqstandyq kólik kompanııalarynyń júrgizýshilerine ár joly 30 kúndik merzimmen bolý quqyǵy bar 1 jyldyq vızalardy berý týraly kelisti.

Qazaqstan men Iran arasyndaǵy konsýldyq konsýltatsııalardyń segizinshi otyrysynyń ekikúndik jumysy nátıjesinde taraptar tıisti Hattamaǵa qol qoıdy.