Qazaqstandyq qoǵamda saıası belsendiliktiń eleýli ósimi baıqalady - Áleýmettik zertteý

ASTANA. 1 tamyz. QazAqparat - Júrgizilgen zertteýlerge qaraǵanda qazaqstandyqtardyń eldiń saıası ómirine qyzyǵýshylyǵy artyp otyr. Bul týraly búgin Astanada «Demokratııa ınstıtýty» ǵylymı-zertteý qaýymdastyǵynyń jobalar boıynsha dırektory ıÝlııa Kýchınskaıa málim etti.

«Aldaǵy elektoraldy tsıklder aıasyndaǵy áleýmettik zertteýler nátıjesine sáıkes jáne qoǵamdyq pikirdiń sońǵy ólshemderine qaraǵanda, qazaqstandyq qoǵamda saıası belsendiliktiń eleýli ósimin baıqaýǵa bolady»,- dedi ol búgingi baspasóz máslıhatynda.

Máselen, 2011 jyldaǵy zertteý nátıjesinde (QR Prezıdentin saılaý kezeńi) eldiń saıası ómirine qyzyǵýshylyq tanytqan halyqtyń úlesi 80,4 paıyzdy quraǵan eken. Al 2013 jyldaǵy málimetter boıynsha zertteýge qatysqandardyń 85 paıyzy saıası úrdisterdi baıqap otyratyn bolǵan.

Sarapshynyń pikirinshe, Qazaqstan halqy jalpy memlekettiń saıası baǵytyn belsendi qoldap otyr. Zertteý nátıjesine sáıkes, respondent azamattardyń 83,6 paıyzy Qazaqstan durys jolmen kele jatqanyn atap ótken.