03:00, 27 Shilde 2022

Qazaqstandyq klýbtardyń UEFA Konferentsııa lıgasyndaǵy qarymta oıyndary qashan bastalady

NUR-SULTAN. QazAqparat - Qazaqstandyq klýbtardyń qatysýymen ótetin UEFA Konferentsııa lıgasyndaǵy úsh oıynnyń qaı ýaqytta bastalatyny belgili boldy, dep habarlaıdy QazAqparat tilshisi.

Elimizdiń atynan endi atalǵan týrnırdiń ekinshi irikteý satysynda «Astana», «Qaırat» jáne «Qyzyljar» komandalary synǵa túsedi.

Elordada ótetin «Astana» jáne Polshanyń «Rakýv» komandalary arasyndaǵy kezdesý 28 shildede 21:00-de bastalady.

Al Vengrııanyń «Kıshvarda» jáne «Qaırat» arasyndaǵy oıyn elorda ýaqytymen 22:00-ge belgilense, Horvatııanyń «Osıek» jáne «Qyzyljar» komandalary 00:30-de jasyl alańǵa shyǵady.

Aıta ketsek, ekinshi irikteý satysynda qazaqstandyq «Astana» Polshanyń «Rakýv» komandasynan 0:5, «Qaırat» Vengrııanyń «Kashverdasynan» 0:1, «Qyzyljar» Horvatııanyń «Osıeginen» 1:2 esebimen jeńilip qaldy.

Atalǵan komandalar qarymta kezdesýdi 28 shilde kúni ótkizedi.

Eske salsaq, ázirge qazaqstandyq klýbtar qatarynan «Tobyl» ǵana úshinshi irikteý satysyna joldama aldy. Qostanaılyq klýb eki oıynnyń nátıjesimen (2:0, 1:0) Gıbraltardyń «Lınkoln Red Imps» komandasyn orta jolda qaldyrdy.

«Astana» FK «Qaırat» FK Sport Fýtbol Qoǵam

Ádiljan Úmbet

1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi. 2015-2020 jyldarda «Aqmeshit aptalyǵy» gazetiniń bas redaktory boldy. Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti. 2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.