Qazaqstandyq klýbtardyń Konferentsııa lıgasyndaǵy qarsylastary belgili boldy

ASTANA. QazAqparat – Qazaqstandyq klýbtardyń UEFA Konferentsııa lıgasy ekinshi irikteý satysyndaǵy qarsylastary belgili boldy, dep habarlaıdy QazAqparat tilshisi.

Jarystyń atalǵan satysynda shymkenttik «Ordabasy» Polshanyń «Legııa» (Varshava), «Aqtóbe» Grýzııanyń «Torpedo» (Kýtaısı) men «Saraevo» (Bosnııa jáne Gertsegovına) jubynyń jeńimpazymen kezdesedi.

Al birinshi irikteý satysynda Fınlıandııanyń «Honka» klýbyn jeńgen jaǵdaıda ekinshi irikteý satysynda Shveıtsarııanyń «Bazel» klýbyna qarsylas bolady.

Sondaı-aq, elordalyq «Astana» UEFA Chempıondar lıgasy birinshi irikteý satysynda Grýzııanyń «Dınamo» (Tbılısı) klýbyna jol bergen jaǵdaıda Konferentsııa lıgasy ekinshi irikteý satysyndaǵy qarsylas belgili boldy.

«Astana» mundaı jaǵdaıda Maltanyń «Hamrýn Spartans» (Hamrýn) jáne Izraıldiń «Makkabı» (Haıfa) jubynyń jeńilgen komandasymen kezdesedi.

Bul komandalar da aldymen Chempıondar lıgasy birinshi irikteý satysynda oınaıdy.

Jarystyń ekinshi irikteý satysyndaǵy oıyndar 27 shilde jáne 3 tamyzǵa belgilengen.